ऐकलंत. अजित पवारांच्या मृत्यूला 7 दिवस उलटल्यानंतरही शंकांचं धुकं काही कमी व्हायला तयार नाही.. त्यातच आता दादांच्या राष्ट्रवादीचे कार्याध्यक्ष प्रफुल्ल पटेल आणि अन्न व नागरी पुरवठा मंत्री छगन भुजबळांनीही दादांच्या मृत्यूबद्दल मौन सोडलंय. विरोधी पक्षांसोबतच पक्षाचे अनेक नेतेही अजित पवारांच्या मृत्यूबद्दल संशय व्यक्त करत असल्यानं भुजबळ आणि पटेलांनीही विमान अपघाताबद्दल शंका उपस्थित केल्या आहेत.

खरंतर अजित पवारांच्या विमान अपघातानंतर आधी सोशल मीडियावर आणि त्यानंतर अजित पवारांच्या राष्ट्रवादीचे आमदार अमोल मिटकरींनी अजित पवारांचा अपघात नाही तर घातपात असल्याचा संशय व्यक्त केला होता. तर राऊतांनी थेट भाजपच्या भ्रष्टाचाराची फाईल त्यांच्याकडे असल्याचा दावा करत संशय व्यक्त केला होता.

आता या सगळ्या संशयाच्या धुक्यात सरकारने सीआयडी चौकशीचे आदेश दिलेत. त्यात आता पटेल आणि भुजबळांनी संशय व्यक्त केल्यानं सरकार आता तरी उच्चस्तरीय न्यायालयीन चौकशीचे आदेश देऊन महाराष्ट्रातील नागरिकांच्या मनातील संशय दूर करणार का?