खरंतर याआधी अजितदादांच्या राष्ट्रवादीतील नेत्यांनी संशय उपस्थित केला.. 2023 मध्ये मुंबई विमानतळावर झालेल्या अपघातानंतर युरोपमध्ये या कंपनीवर बंदी घातली.. मात्र त्यानंतरही व्हीआयपींच्या सेवेसाठी या कंपनीला परवानगी का देण्यात आली? असा सवाल रोहित पवारांनी केलाय.

एवढंच नाही तर उड्डाणाआधीच्या विमान तपासणीवरही रोहित पवारांनी संशय व्यक्त केलाय. हा अपघात नाही तर घातपात असल्याबाबत संशय बळावला तो पायलटच्या वर्तवणुकीची माहिती समोर आल्यानं... रोहित पवारांनी त्यावरही बोट ठेवलंय. एवढंच नाही तर रोहित पवारांनी विमान लँड करताना व्हिजिबिलिटीचा प्रश्न होता तर गो राऊंड का घेतला नाही? असा सवाल केलाय.

दुसरीकडे अजितदादांच्या अपघातानंतर अनेकांनी दादांनीच वेळ कमी असल्यानं रिस्क घ्यायला लावली असेल, असा दावा केला होता.. मात्र हा दावाही रोहित पवारांनी खोडून काढलाय.