अजितदादांच्या अकाली एक्झिटनं महाराष्ट्र सुन्न झालाय...मात्र विमानाचा अपघात का झाला? या दुर्घटनेला जबाबदार कोण ? असे सवाल उपस्थित होतायेत...त्यातच तपास यंत्रणांना घटनास्थळावरून विमानाचा ब्लॅक बॉक्स सापडलाय. ब्लॅक बॉक्समुळे अजित पवारांच्या मृत्यूचं गूढ उलगडणार आहे. दुसरीकडे सरकारचा प्राथमिक अहवालही समोर आलाय़.

सरकारच्या प्राथमिक अहवाल काय?

8.18

पहिल्यांदा विमान बारामतीच्या संपर्कात

वैमानिकानं वार फार नसल्याचं आणि दृश्यमानता साधारण 3 हजार मीटर असल्याचं सांगितलं

धावपट्टी क्रमांक 11 च्या दिशेने येत असल्याची वैमानिकाची माहिती

वैमानिकानं ATCला रनवे दिसत असल्याचं सांगितलं

8.43

लँडिगवेळी वैमानिकांकडून प्रतिसाद मिळाला नाही

क्षणातच धावपट्टीच्या डाव्या बाजूला विमान कोसळले

ब्लॅकबॉक्स सापडल्यानं तपासाची चक्र वेगानं फिरू लागलेत...

ब्लॅक बॉक्स उलगडणार अपघाताचं कोडं?

'ब्लॅक बॉक्स' हे विमानातील एक अत्यंत महत्त्वाचे इलेक्ट्रॉनिक रेकॉर्डिंग उपकरण.. नावाप्रमाणे ते काळे नसते. अपघातानंतर मलब्यात सहज शोधता यावे यासाठी ते भडक केशरी रंगाचे असते. विमानाचा अपघात झाल्यावर जेव्हा संपूर्ण विमान जळून खाक होते. तरीही ब्लॅक बॉक्स शाबूत राहतो. तांत्रिकदृष्ट्या याचे दोन मुख्य भाग असतात.. फ्लाइट डेटा रेकॉर्डर जो विमानाचा वेग, उंची आणि इंजिनची स्थिती नोंदवतो आणि कॉकपिट व्हॉइस रेकॉर्डर जो वैमानिकांचे एकमेकांशी आणि एअर ट्रॅफिक कंट्रोलशी झालेले शेवटचे संवाद ब्लॅक बॉक्समध्ये रेकॉर्ड केले जातात.. तपासादरम्यान तज्ज्ञ या ब्लॅक बॉक्समध्ये असलेल्या मेमरी चिप्समधील डेटा रिकव्हर करून अपघातापूर्वीचे वैमानिकांचे शेवटचे शब्द आणि विमानातील तांत्रिक बिघाडाचे विश्लेषण करतात.

नागरी विमान वाहतूक महासंचालनालयाचा तपास सुरु झाला आहे. अपघातावेळी विमानात नक्की काय बिघाड झाला होता? खराब हवामानामुळे वैमानिकाचा ताबा सुटला का? या सर्व प्रश्नांची उत्तर ब्लॅक बॉक्समधून मिळणार आहेत. विमान दुर्घटनेत लोकनेते अजित पवारांच्या मृत्यूला नेमके कोण जबाबदार? याकडे सगळ्यांचं लक्ष आहे.