अजितदादांच्या अकाली एक्झिटनं कार्यकर्त्यांसह संपूर्ण महाराष्ट्र शोकसागरात बुडला. कार्यकर्त्यांच्या गर्दीनं विद्या प्रतिष्ठानचं मैदान तुडुंब भरलं. मात्र अजित पवारांच्या अंत्यविधीवेळी एक धक्कादायक प्रकार घडलाय. जमलेल्या गर्दीचा गैरफायदा घेत चोरट्यांनी एकच कहर केलाय. बारामतीत अजित पवारांच्या अंत्यविधीवेळी काय घडलं पाहूयात.

बारामतीत अजितदादांच्या अंत्यविधीसाठी लाखोंची गर्दी

चोरट्यांकडून 15 जणांचे 25 लाखांचे सोन्याचे दागिने लंपास

पोलिसांक़डून 6 चोरट्यांची धरपकड तर साथीदारांचा शोध सुरु

गर्दीचा गैरफायदा घेणाऱ्या काही चोरट्यांना नागरिकांनी पकडून चांगलाच चोप दिला.गर्दीच्या ठिकाणी तब्बल 8 हजार पोलिसांचा बंदोबस्त असूनही चोरट्यांनी नागरिकांची खुलेआम लुट केल्यानं सुरक्षेचा प्रश्न पुन्हा एकदा ऐरणीवर आलाय. त्यामुळे अजितदादांना अखेरचा निरोप देण्यासाठी जमलेल्या नागरिकांसोबत घडलेला हा प्रकार म्हणजे माणुसकीला काळीमा फासणारा आहे.