ajit pawar ips anjana krishna phone call viral video controversy x
महाराष्ट्र

Ajit Pawar : आधी IPS अंजना कृष्णा यांना फोनवरून झापलं, आता ट्विटमधून अजितदादांनी विषयच संपवला, म्हणाले- माझा उद्देश...

Ajit Pawar Statement : अजित पवार आणि आयपीएस अधिकारी अंजना कृष्णा यांच्या संभाषणाचे व्हिडीओ सोशल मीडियावर व्हायरल होत आहे. मोठा गदारोळ झाल्यानंतर अजित पवारांनी प्रकरणावर स्पष्टीकरण दिले आहे.

Yash Shirke

  • IPS अंजना कृष्णा यांच्याशी संभाषणाचा व्हिडीओ व्हायरल झाल्यानंतर अजित पवारांनी स्पष्टीकरण दिले.

  • एक्स पोस्टमध्ये त्यांनी हस्तक्षेपाचा उद्देश नसून परिस्थिती शांत ठेवण्याचा हेतू असल्याचे म्हटले.

  • पोलीस दल आणि महिला अधिकाऱ्यांबद्दल सर्वोच्च आदर असल्याचे अजित पवारांनी स्पष्ट केले.

Ajit Pawar X Post : आयपीएस महिला अधिकारी अंजना कृष्णा आणि राज्याचे उपमुख्यमंत्री अजित पवार यांच्या मोबाईल संभाषणाचा व्हिडीओ सोशल मीडियावर व्हायरल होत आहे. या व्हिडीओत कारवाई केल्याने अजित पवार अंजना कृष्णा यांना तंबी देत असल्याचे पाहायला मिळते. यावरुन अजित पवारांवर टीका करण्यात येत आहे. या एकूण प्रकरणावर अजित पवार यांनी स्पष्टीकरण दिले आहे.

अजित पवार यांनी एक्सवर या प्रकरणाबाबत एक पोस्ट शेअर केली आहे. या पोस्टमध्ये त्यांनी 'सोलापूर जिल्ह्यातील पोलीस अधिकाऱ्यांसोबतच्या संवादाच्या संदर्भात काही व्हिडिओ समाजमाध्यमांवर प्रसारित होत आहेत. मी स्पष्टपणे सांगू इच्छितो की, माझा उद्देश कायद्याच्या अंमलबजावणीमध्ये हस्तक्षेप करण्याचा नव्हता, तर त्या ठिकाणी परिस्थिती शांत रहावी आणि ती अधिक बिघडू नये याची काळजी घेण्याचा होता', असे म्हटले आहे.

'आपल्या पोलीस दलाबद्दल तसंच धैर्यानं आणि प्रामाणिकपणे आपलं कर्तव्य बजावणाऱ्या महिला अधिकाऱ्यांबद्दल मला सर्वोच्च आदर आहे. माझ्यासाठी कायद्याचं राज्य हेच सर्वात महत्त्वाचं आहे. मी पारदर्शक प्रशासकीय कारभारासाठी आणि बेकायदेशीर वाळू, माती, खडक उपशासह प्रत्येक बेकायदेशीर कृतीवर कायद्याप्रमाणे कठोर कारवाई करण्यासाठी कटिबद्ध आहे', असे अजित पवारांच्या पोस्टमध्ये लिहिलेले आहे.

सोलापूरच्या माढा तालुक्यातील कुर्डू या ठिकाणी बेकायदेशीरपणे खनिज उत्खनन सुरु होते. याची माहिती महिला आयपीएस महिला अधिकारी अंजना कृष्णा यांना मिळाली. घटनास्थळी पोहोचून त्यांनी कारवाईला सुरुवात केली. कारवाई रोखण्यासाठी उत्खनन करणाऱ्यांनी अजित पवार यांना फोन केला. संभाषणादरम्यान अजित पवार यांनी अंजना कृष्णा यांना तंबी दिली. या प्रकरणाची संपूर्ण राज्यभरात चर्चा आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

PM Ujjawala Yojana: महिलांसाठी आनंदाची बातमी! उज्जवला योजनेत मोफत गॅस सिलिंडरसोबत मिळणार ₹१८३०

Hingoli Crime News: रात्रीच्या वेळी झोपेतून उठवून ऑफिसमध्ये नेलं अन्...; आश्रम शाळेत 11 वर्षाच्या चिमुरडीसोबत अश्लील कृत्य

पुतण्यासोबत संबंध, नंतर जत्रेला नेत नवऱ्याचा काटा काढला, ८ वर्षांच्या मुलाकडून आईचा खरा चेहरा समोर

Accident : हिट अँड रनचा थरार! भरधाव कारने बहिणींना चिरडले; थोरलीचा मृत्यू, धाकटी गंभीर जखमी

CIDCO Lottery 2025: '३५ लाखांचं घरं ७५ लाखाला विकतात', सिडकोबाबत RTI मधून धक्कादायक माहिती उघड

SCROLL FOR NEXT