बेधडक आणि सडेतोड शैली ही अजित पवारांची ओळख...आपल्या पालकमंत्र्यांच्या या कार्यशैलीची प्रचितीच बीडकरांना आली... कंत्राटदारांनी चांगलं काम केलं नाही तर थेट ब्लॅकलिस्ट करण्याचा इशारा देत अजित पवारांनी चांगलाच दम भरलाय....

एवढंच नाही तर जिल्हाधिकारी कार्यालयाच्या नव्या इमारतीची पाहणी करताना अजित पवारांनी जिल्हाधिकाऱ्यांसह कंत्राटदारांनाही चांगलंच झापलंय...मात्र बीड जिल्ह्यातील नागरिकांनी विकासकामांवरुन अजित पवारांनाच घेरलं.. मात्र माझ्याकडे जादूची कांडी नाही म्हणत तुमच्या एवढ्या तक्रारी असतील तर जातो, तुमचा पालकमंत्री तुम्ही बघा म्हणत अजित पवारांचा पारा चढला...

बीडच्या पालकमंत्रिपदाची जबाबदारी घेतल्यानंतर अजित पवारांनी आपलं लक्ष बीडकडे वळवलंय.. त्यातच आता विकासकामांवरुन अजित पवारांनी कंत्राटदारांना झापताना जुने प्रकार चालणार नसल्याचा इशारा दिलाय.. त्यामुळे अजित पवारांची हटके स्टाईल चर्चेचा विषय ठरलीय...