सुशील थोरात 

Ahmednagar Water Supply News:

यंदा सर्वदूर पाणी संकट उभे राहिले आहे. यात आत अहमदनगर (Ahmednagar) शहरावर देखील पाणी संकट उभे राहिले असून मुळा धरणातून (Mula dam) होणाऱ्या पाणी पुरवठ्यात २० टक्के पाणी कपात करण्याचा निर्णय पाटबंधारे विभागाने घेतला आहे. याबाबत महापालिका आयुक्तांना पत्र देखील देण्यात आले आहे. (Breaking Marathi News)

राज्यात यंदा कमी झालेल्या पावसामुळे (Rain) पाण्याची समस्या बिकट बनत चालली आहे. अनेक ठिकाणी पाण्याची भीषण टंचाईला सामोरे जावे लागत आहे. पाऊस कमी झाल्यामुळे धरणातील पाणी साथ देखील खालावत चालला आहे. त्यानुसार (Jayakwadi Dam) जायकवाडी धरणात मुळा धरणातून १.९६ टीमसी पाणी सोडण्यात आल्याने तसेच धरणात पाणीसाठा कमी होत चालला आहे. यामुळे संभाव्य पाणी टंचाई निवारणाकरिता अहमदनगरला केल्या जाणाऱ्या पाणी पुरवठ्यात २० टक्के पाणी कपात करण्याचा निर्णय घेण्यात आला आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा) -

आयुक्तांना पाठविले पत्र

अहमदनगर शहरासह मुळा धरणावरील पाणीपुरवठा योजनेचे २० टक्के पाणी कपात करण्याचा पाटबंधारे विभागाने निर्णय घेतला आहे. महापालिकेच्या मंजूर कोट्यातुन ही पाणी कपात करण्यात आली असून ३१ जुलै २०२४ पर्यत काटकसरीने वापर करण्याबाबतचे पात्र पाटबंधारे विभागाने महापालिका आयुक्तांना दिले आहे.