सचिन बनसोडे, साम टीव्ही प्रतिनिधी

देशी आणि हातभट्टी दारू विक्रीविरोधात आक्रमक झालेल्या महिलांनी दारूची दुकानं पेटवली आहेत. अहमदनगर जिल्ह्यातील उक्कलगाव येथे ही घटना घडली आहे. उक्कलगाव येथे गावठी दारूमुळे गेल्या 8 महिन्यात 7 जणांचे बळी गेले आहेत. त्यामुळे संतप्त महिलांचा आज रुद्रावतार पहायला मिळाला.

उक्कलगावात गावठी दारूमुळे गेल्या 8 महिन्यात 7 जणांचे बळी गेले आहेत. काल सोमवारी पुन्हा एकाचा मृत्यू झाल्याने गावातील महिला संतप्त झाल्या होत्या. महिलांनी आक्रमक पवित्रा घेत थेट गावातील गावठी दारू विक्रीच्या दुकानांवर हल्ला चढवला. यावेळी संतप्त महिलांनी बाटली आडवी करत दुकानांची तोडफोड आणि जाळपोळ केली आहे. दरम्यान गावात कायमस्वरुपी दारूबंदी करा अशी मागणी महिलांनी केली आहे.