सचिन बनसोडे

संगमनेर (अहमदनगर) : संगमनेर तालुक्यातील आश्वी खुर्द येथील यादव कुटुंबियानी आपल्या घरात जन्माला (Ahmednagar) आलेल्या मुलीच्या जन्माचे जल्लोषात स्वागत केले. फटाक्याची आतिषबाजी आणि ढोल ताशांच्या गजरात मिरवणूक काढून धुमधडाक्यात कन्यारत्नाचे स्वागत करण्यात (Sangamner) आल्याने ग्रामस्थ आणि नातेवाईकही भारावून गेले होते. (Latest Marathi News)

मुलगा हा वंशाचा दिवा. मग मुलगी नको मुलगाच हवा म्‍हणून अनेकदा अनधिकृत गर्भपात करून मुलीचा जन्‍म होण्यापुर्वीच तिला मारले जाते. गर्भनिदान करणे गुन्‍हा असून देखील अशा प्रकार गर्भनिदान करून असे अनधिकृत प्रकार अनेक ठिकाणी समोर आले आहेत. परंतु, मुलगा-मुलगी असा भेद न करता समाजात एक चांगला संदेश देण्याचे काम अहमदनगर जिल्‍ह्यातील यादव कुटुंबीयांनी केले आहे.

संगमनेर तालुक्‍यात आश्वी खुर्द येथील जयंत यादव आणि कोमल यादव या दाम्पत्याला नुकतेच कन्यारत्न प्राप्त झाले. यादव कुटुंबाने स्त्री जन्माचे अनोख्या पद्धतीने स्वागत करताना फटाक्यांची आतिषबाजी, ढोल ताशांचा गजर, रांगोळ्याच्या पायघड्या, फुग्यांची सजावट आणि मिठाईचे वाटप करुन थाटात हे स्वागत केले. यावेळी आश्वी खुर्द ग्रामस्थ आणि नातेवाईक मोठ्या संख्येने उपस्थित होते.