सचिन बनसोडे 

श्रीरामपूर (अहमदनगर) : श्रीरामपूर तालुक्यातील भोकर गावातील हनुमानवाडी येथील किराणा दुकानदाराने मागील (Ahmednagar) उधारी मागितली. याचा राग आल्याने दुकानाची तोडफोड केल्याची घटना घडली आहे. यावेळी दुकानदाराला (Shrirampur) शिवीगाळ करत जीवे मारण्याची धमकी देखील देण्यात आली असून ही घटना सीसीटीव्ही कॅमेऱ्यात कैद झाली. (Live Marathi News)

भोकर (ता. श्रीरामपूर) येथे हा धक्कादायक प्रकार घडला आहे. मागील काही दिवसांपासून किराणा दुकानातून घेतलेल्या सामानाची ३०० रुपये उधारी बाकी होती. हि मागील ३०० रूपये उधारी मागितली; म्हणून किराणा दुकानदाराला (Crime News) जिवे मारण्याची धमकी देत दुकानाची तोडफोड करत दहशत निर्माण करण्याची घटना श्रीरामपूर तालुक्यात घडली. 

पोलिसात दिली तक्रार 

सदर प्रकार सीसीटीव्ही कॅमेरामध्ये कैद झाली आहे. किराणा दुकानदार रावसाहेब नेमाने यांनी दिलेल्या फिर्यादीवरून श्रीरामपूर तालुका पोलीस ठाण्यात विनायक चौधरी (रा. पुणे) आणि राजू गोविंद लांबे (रा. मुठेवाडगाव) यांच्याविरुद्ध श्रीरामपूर तालुका पोलीस ठाण्यात गुन्हा दाखल करण्यात आला आहे.