सुशील थोरात

अहमदनगर : बाळासाहेब थोरात भाजपात येतात असं माझ्या कानावर आला आहे. त्याचं कारण म्हणजे महिनाभरात (Ahmednagar) जेवढे कार्यक्रम झाले, त्यामध्ये एकाही कार्यक्रमात ना सोनिया गांधी यांचा फोटो आहे ना राहुल गांधींचा फोटो आहे. वरिष्ठ नेत्यांचे फोटो गायब का झाले? याला दोनच कारण असू शकतात. एक तर व्यक्ती दुसरीकडे जातोय किंवा त्यांचे फोटो टाकून ते पडतील अशी त्यांची भीती असेल; असा टोला देखील सुजय विखे पाटील (Sujay vikhe Patil) यांनी लगावला. (Maharashtra News)

लोणावळा येथे पार पडलेल्या (Congress) काँग्रेस कमिटीच्या मेळाव्या दरम्यान बाळासाहेब थोरात (Balasaheb Thorat) यांनी राधाकृष्ण विखे पाटलांवर टीका केली होती. त्यावर भाजपाचे खासदार सुजय विखे पाटील यांना प्रश्न विचारले असता त्यांनी थोरात हे भाजपमध्ये येतील येतील असे सूचक वक्तव्य केलं आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

ज्यांनी शेतीच केली नाही, त्यांनी कांद्याबद्दल बोलू नये
खरिपाचा कांदा हा साठवणूक केला जाऊ शकत नाही. रब्बीचा किंवा उन्हाळ्याचा कांद्याला साठावणूक क्षमता असते. त्यामुळे होर्डिंग होऊ शकत नाहीत, परंतु जे कधी शेतकरी राहिलेच नाही. सहकारी कारखाने घेऊन खाजगी कारखाने बांधले, जमिनी लाटल्या त्यांना शेतकऱ्यांच्या व्यथा माहिती नाही. आगोदर त्यांनी ज्ञान बदलाव आणि मग आरोप प्रत्यरोप करावे; अशी प्रतिक्रिया सुजय विखे पाटील यांनी (Rohit Pawar) रोहित पवारांवर दिली आहे.

रोहित पवार वारंवार घर फोडलं; अशी प्रतिक्रिया देत असून त्यावर प्रश्न विचारले असता सुजय विखे यांनी प्रतिक्रिया देत सांगितलं, की त्यांनी सगळ्यांचे घर फोडले. माझ्या सख्ख्या काकांना देखील कोणाच्या स्टेजवर कोण घेऊन गेले. त्याचबरोबर बीड असेल, असे किती घरे त्यांनी फोडले आहेत. आज त्यांचं घर फुटलं म्हणून ते बोलत असल्याचे वक्तव्य सुजय विखे पाटलांनी रोहित पवार यांच्याबद्दल केले आहे.