सचिन बनसोडे 
अहमदनगर : पर्यटनासाठी अनेकजण जात असतात. प्रामुख्याने पावसाळा सुरु झाल्यानंतर भंडारदरा धरण पातळीत क्षेत्रात फिरस्ती करणाऱ्यांची संख्या अधिक असते. मात्र पुढील चार महिने भंडारदरा धरणाच्या पाणलोट क्षेत्रातील सांदण दरी येथे पर्यटकांसाठी बंदी करण्यात आली आहे.

अहमदनगर (Ahmednagar) जिल्ह्यातील भंडारदरा धरणाच्या पाणलोट क्षेत्रात असणाऱ्या कळसूबाई हरिश्चंद्रगड अभयारण्यात साम्रद येथे आशिया खंडातील सर्वात खोल अशी सांदन दरी आहे. प्रत्येक वर्षी देशभरातील हजारो पर्यटक सांदन दरीला भेट देत असतात. मात्र पावसाळ्यात या दरीच्या प्रवेशद्वारातून मोठ्या प्रमाणात पाणी वाहत असल्याने कोणताही अनुचित प्रकार घडू नये; यासाठी वन विभागाने चार महिने सांदन दरी येथे प्रवेश बंदी करण्याचा निर्णय घेतला आहे.

खुले करण्याबाबतचा निर्णय नंतरच 

दरम्यान पावसाळा सुरु झाल्यानंतर जून ते सप्टेंबर या चार महिन्यासाठी पर्यटनासाठी वन विभागाने बंदी करण्याचा निर्णय घेतला आहे. सांदन दरी पर्यटनासाठी कधी खुली करायची याबाबत नंतरच निर्णय घेण्यात येणार आहे.