सुशील थोरात

जामखेड (अहमदनगर) : मंत्री धनंजय मुंडे यांचा ताफा अहमदनगर मार्गे बीडकडे जात होता. या दरम्‍यान जामखेड शहरात काही कार्यकर्त्यांनी धनंजय मुंडे (Dhananjay Munde) यांच्या ताफ्यासमोर आम्ही साहेबांसोबत (Ahmednagar) अशा आशयाचे बॅनर झळकवले. मात्र पोलिसांनी वेळीच या कार्यकर्त्यांना ताब्यात घेऊन बॅनर जप्त केले आहेत. (Breaking Marathi News)

राष्ट्रवादीमध्ये फूट पडल्यानंतर अनेक कार्यकर्ते सध्या रोज अजित पवार आणि शरद पवार यांच्यासोबत असल्याबाबतचे फोटो झळकवत आहेत. आताही राष्ट्रवादीमधील दुफळी वाढत चालली असून आज राष्ट्रवादीच्याच (NCP) कार्यकर्त्यांनी राष्ट्रवादीचे मंत्री धनंजय मुंडे यांच्यासमोर हे बॅनर झळकवल्याने ही दुफळी समोर येत आहे.

पोलिसांसोबत बाचाबाची

मंत्री मुंडे यांचा ताफा जात असल्‍याने (NCP) राष्‍ट्रवादीचे काही कार्यकर्ते बॅनर घेवून उभे होते. पोलिसांनी या बॅनर झळकवणाऱ्या कार्यकर्त्यांना ताब्यात घेतले. यावेळी पोलीस आणि कार्यकर्त्यांची बाचाबाची देखील झाली.