सुशील थोरात

अहमदनगर : अहमदनगरमधून धक्कादायक वृत्त समोर आलं आहे. कल्याण निर्मल महामार्गावरील अहमदनगर जिल्ह्यातील पाथर्डी तालुक्यात करंजी घाटात एका अज्ञात व्यक्तीचा मृतदेह आढळून आला आहे. अज्ञात व्यक्तीचा मृतदेह जळालेल्या अवस्थेत आहे. या घटनेनंतर परिसरात एकच खळबळ उडाली आहे. (Latest Marathi News)

कल्याण निर्मल महामार्गावरील अहमदनगर (Ahmednagar) जिल्ह्यातील पाथर्डी तालुक्यात करंजी घाटात एका अज्ञात व्यक्तीचा जळालेल्या अवस्थेत कवटी व हाडाचा सापळा आढळल्याने परिसरात खळबळ उडाली आहे. या घटनेची माहिती मिळताच पोलीस घटनास्थळी दाखल झाले आहेत. पोलिसांनी या प्रकरणाचा तपास सुरू केला आहे.

पाथर्डी तालुक्यातील करंजी घाटात एका अज्ञात व्यक्तीचा जळालेल्या अवस्थेत कवटी व हाडाचा सापळा सापडल्याची माहीती करंजी पोलीसांना मिळाली असता पोलिसांनी घटनास्थळी जाऊन घटनेची पाहणी केली. तेथे कवटी आणि हाडाचा सापळा पूर्णपणे जळालेल्या अवस्थेत आढळला. हा मृतदेह लहान मुलाचा की मोठ्या व्यक्तीचा स्त्रीचा की पुरुषाचा हे वैद्यकीय अहवालानंतर समजू शकणार आहे.

वरिष्ठ पोलीस अधिकाऱ्यांना याबाबत माहिती दिली असता पोलीस उपाधीक्षक अजित पाटील,स्थानिक गुन्हे विभागाचे पोलीस निरीक्षक अनिल कटके,पाथर्डी पोलीस स्टेशनचे पोलीस निरीक्षक संतोष मुटकुळे, यांच्यासह अहमदनगर वैद्यकीय पथक घटनास्थळी दाखल झाले असून संध्याकाळपर्यंत पाथर्डी पोलिस स्टेशनमध्ये गुन्ह्याची नोंद झालेली नव्हती.

धक्कादायक! फरशीवर डोके आपटून सुनेचा खून

जगभरात जागतिक महिला दिन मोठ्या उत्साहात साजरा केला जात असतानाच पुण्यात एक धक्कादायक घटना समोर आली आहे. घरकाम जमत नसल्याचा आरोप करुन सासूने सुनेचे डोके फरशीवर आपटून तिचा खून केल्याची धक्कादायक घटना पुण्यातील लोहगाव भागात घडली आहे. या प्रकरणी विमानतळ पोलिसांनी सासूला अटक केली आहे. महिला दिना दिवशीच या धक्कादायक घटनेने परिसरात खळबळ माजली आहे