अहमदनगर : अकोले तालुक्यातील सुगावा येथे बिबट्याच्या हल्ल्यात जखमी झालेल्या चिमुकलीचे अखेर आज निधन झाले. दोन दिवसांपूर्वी घरासमोरच्या अंगणात खेळत असताना अचानक बिबट्याने हल्ला करून माई नावाच्या या चिमुकलीला बिबट्याने जबड्यात पकडले होते.

हे देखील पहा :

दरम्यान, हा बिबट्या चिमुकलीला जबड्यात पकडून उसामध्ये घेऊन जात असताना अचानक गावातीलच दूधवाल्याला हा प्रकार नजरेस पडला. त्याच्या गाडीच्या आवाजाने या चिमुकलीला त्या ठिकाणी सोडून बिबट्याने उसामध्ये धूम ठोकली. दीड वर्षीय माई जनक वैद्य ही चिमुकली बिबट्याच्या हल्ल्यात गंभीर रित्या जखमी झाली होती.

बिबट्याच्या जबड्यातून दैव बलवत्तर म्हणून ती वाचली. प्रथम अकोले येथे तिच्या वर उपचार सुरु होते. तिच्या परिस्थितीत विशेष सुधारणा होत नसल्यामुळे त्याच रात्री तिला पुढील उपचारासाठी लोणी येथे रुग्णालयात हलविण्यात आले. मात्र, दोन दिवसांपासून तिची मुत्युशी सुरु असलेली झुंज अपयशी ठरली. आज तिची प्राणज्योत अखेर मालविली. तिच्या निधनाबद्दल परिसरात हळहळ व्यक्त करण्यात येत आहे.

Edited By : Krushnarav Sathe