संतोष जोशी

नांदेड: माहिती व तंत्रज्ञानाचा गैरवापर करण्याच्या प्रकारात प्रचंड वाढ झालेली सध्या दिसून येत आहे. तंत्रज्ञाचा गैरवापर करून नांदेडच्या दोन विद्यार्थांनी आॅनलाईन शिक्षणासाठी तयार केलेल्या लिंकची बनावट आयडी करुन विद्यार्थ्यांना आणि प्राध्यापकांना अश्लील मॅसेज, व्हिडीओ पाठवण्याचे उद्योग केल्याची धक्कादायक बाब पुढे आली आहे. (Nanded Crime News)

What's App ग्रुप मधून रिमुव्ह केल्याचा राग मनात धरुन दोन विद्यार्थ्यांनी बनावट आयडीद्वारे विद्यार्थी, प्राध्यापकांना अश्लील मॅसेज, व्हिडीओ पाठवल्याने खळबळ उडाली. विष्णुपुरी येथील ग्रामीण पालीटेक्निक काॅलेजमध्ये हा धक्कादायक प्रकार घडला आहे. या प्रकरणी काल दोन विद्यार्थ्यांविरोधात ग्रामीण पोलीस ठाण्यात माहिती आणि तंत्रज्ञानाचा गैरवापर केल्या प्रकरणात गुन्हा दाखल करण्यात आला आहे. याप्रकरणी पोलिसांनी दोन्ही विद्यार्थ्यांना अटक ही केली आहे.

हे देखील पाहा-

कोरोना काळात ग्रामीण पाॅलीटेक्निक काॅलेजने विद्यार्थ्यांना आॅनलाईन शिक्षण देण्यासाठी एक लिंक तयार केली होती. दरम्यानच्या काळात विद्यार्थी, विद्यार्थिनी आणि प्राध्यापकांना अश्लील मॅसेज, व्हिडीओ येऊ लागले. काॅलेज व्यवस्थापनाने पोलिस ठाण्यात तक्रार दिली. पोलिसांनी याचा शोध घेतला असता आश्लिल मॅसेज आणि व्हिडीओ टाकणारे काॅलेजचेच विद्यार्थी निघाले. टारगटपणामुळे काॅलेजने त्यांना ग्रुपवर मधून काढून टाकले होते याचाच राग मनात धरुन विद्यार्थांना हा उपद्व्याप केलाय.