Cm Devendra Fadnavis on Aditya Thackeray : मुख्यमंत्री देवेंद्र फडणवीस यांनी शिवसेना आमदार आदित्य ठाकरे यांच्यावर हल्लाबोल केला आहे. आदित्य ठाकरे यांनी महाराष्ट्राचा राहुल गांधी बनू नये, असे देवेंद्र फडणवीस म्हणाले. आदित्य ठाकरे यांना मी चांगले ओळखतो. त्यांनी महपाराष्ट्राचा पप्पू आहे, असे प्रदर्शन करू नये, असे फडणवीस म्हणाले. राहुल गांधी यांनी मोठी स्क्रीन लावून इकडून तिकडून फिरू नये. खोदा पहाड निकला चुहा असे होते. सोमवारी आदित्य ठाकरे यांनीही तेच केले. त्यांनी राहुल गांधी बनू नये, असा हल्लाबोल देवेंद्र फडणवीस यांनी आदित्य ठाकरेंवर केला.

मंत्रिमंडळाच्या बैठकीनंतर मुख्यमंत्री देवेंद्र फडणवीस यांनी पत्रकार परिषद घेतली. मंत्रिमंडळात घेतलेल्या निर्णायाची माहिती दिली. किती शेतकऱ्यांच्या खात्यावर मदत पोहचली, याची माहिती दिली. देवेंद्र फडणवीस यांनी यावेळी ठाकरेंना पप्पू म्हणत विरोधकांवर टीकेचा बाण उडवलाय.

शिवसेना आमदार आदित्य ठाकरे यांनी सोमवारी सायंकाळी मतचोरीवरून राज्य सरकार आणि आयोगावर हल्लाबोल केला होता. राहुल गांधी यांच्याप्रमाणेच त्यांनी प्रेझेंटेशन करत मतचोरी होत असल्याचा आरोप केला होता. आदित्य ठाकरेंच्या आरोपाला उत्तर देताना देवेंद्र फडणवीस यांनी महाराष्ट्राचा पप्पू बनू नये, असा टोला लगावला.