Gunratna Sadavarte : मराठवाड्यात असलेला अविकसितपना, दारिद्र्य अशा सर्व गोष्टी दूर करण्यासाठी मराठवाडा स्वतंत्र राज्य करण्याची मागणी जोर धरू लागली आहे. अशात विदर्भ आणि मराठवाडा अशी दोन स्वतंत्र्य राज्ये असावीत अशी मागणी वकील गुणरत्न सदावर्ते यांनी केली आहे. आता त्यांच्या या मागणीला मराठा संघटनेकडून विरोध केला जात आहे. मराठा संघटनेच्या कार्यकर्त्यांनी उस्मानाबाद येथे या मागणीला तीव्र विरोध दर्शवत आंदोलन केले आहे. (Latest Marathi News)

उस्मानाबाद (Osmanabad) येथे आज स्वतंत्र मराठवाडा या विषयावर एका परिषदेचे आयोजन करण्यात आले होते. यात गुणरत्न सदावर्ते उपस्थित राहून परिषदेला संबोधित करणार होते. मात्र त्यांच्या विरोधात माराठा संघटनेचे कार्यकर्ते आक्रमक झाले. यावेळी त्यांच्याविरोधात घोषणाबाजी करण्यात आली.

आंदोलनात कार्यकर्ते सदावर्तेंच्या दिशेने घोषणाबाजी करत जात होते. मात्र त्याआधीच पोलिसांनी त्यांना थांबवले असून ताब्यात घेतले. गुणरत्न सदावर्ते मराठा आरक्षण आणि एसटी (ST) कर्मचाऱ्यांचा संप या दोन मुद्द्यांनंतर आता पुन्हा एकदा स्वतंत्र विदर्भाच्या मुद्यावरून चर्चेत आले आहेत.