arrest, hingoli Saam Tv
महाराष्ट्र

Crime News : पोलिसांची झाली नाचक्की; गंभीर गुन्ह्यातील संशयित तावडीतून पळाला

पोलिसांनी भांडण करणाऱ्या दोन्ही गटाविरुद्ध गुन्हे दाखल केले होते.

संदीप नागरे

Hingoli Crime News : एका गंभीर गुन्ह्यातील संशियत आरोपी पोलिसांच्या तावडीतून पळाल्याची घटना हिंगोली जिल्ह्यात घडली आहे. नरसी पोलिसांच्या तावडीतून संबंधित संशयित आरोपी पळून गेला आहे. वैद्यकीय तपासणीसाठी पोलीसांनी संबंधितास आणले हाेते. यावेळी पोलिसांच्या तावडीतून त्याने पलायन केले. (Hingoli Latest Marathi News)

नरसी पोलीस स्थानकात जिवे मारण्याचा प्रयत्न केल्याप्रकरणी पोलिसांच्या काेठडीत असलेल्या संशियत आरोपीने वैद्यकीय तपासणी करत असताना पलायन केल्याची घटना उघडकीस आली आहे. यामुळे हिंगोली पोलीस दलात एकच खळबळ उडाली आहे.

नरसी नामदेव पोलीस स्टेशन हद्दीतील पुसेगाव येथे काही दिवसांपूर्वी किरकोळ कारणावरून हाणामारीची घटना घडली होती. यानंतर पोलिसांनी भांडण करणाऱ्या दोन्ही गटाविरुद्ध गुन्हे दाखल केले होते. यामध्ये पोलिसांनी प्रवीण सुभाष देशमुख याच्यासह इतर दोन संशयितांना अटक (arrest) देखील केली होती.

या तिघांना आज न्यायालयात हजर करावयाचे असल्याने पोलीस तिघांची आरोग्य तपासणी करण्यासाठी नरसी येथील आरोग्य केंद्रात घेऊन गेले, मात्र यावेळी त्यांचे रक्ताचे नमुने तपासणीसाठी घेत असताना प्रवीण सुभाष देशमुख यांनी पोलिसांना चकवा देत प्राथमिक आरोग्य केंद्रात असलेल्या गर्दीचा फायदा घेऊन पलायन केले.

पोलीस आरोग्य केंद्राच्या बाहेर येईपर्यंत प्रवीण देशमुख हा फरार झाला होता. दरम्यान संशयित आरोपी पलायन प्रकरणी पोलिसांनी गुन्हा दाखल करण्याची प्रक्रिया सुरू केली आहे. प्रवीण देशमुख याचा शोध घेण्यासाठी पोलिसांचे पथक रवाना करण्यात आले आहे.

Edited By : Siddharth Latkar

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Crime News: वर्सोवा बीच परिसरात महिलेला धमकी; आरोपीकडून गावठी पिस्तूल जप्त

Ethiopia Volcano: ज्वालामुखीत भस्म होणार जग? ज्वालामुखीच्या उद्रेकामुळे भारतावर संकट?

Shocking: तिकीट तपासताना वाद, टीसीने धावत्या ट्रेनमधून ढकललं; नेव्ही अधिकाऱ्याच्या बायकोचा मृत्यू

Local Body Election: उमेदवारांसाठी आनंदाची बातमी! ऐन निवडणुकीच्या रणधुमाळीत निवडणूक आयोगाचा मोठा निर्णय

Maharashtra Politics: राजकरणात हादरा! 2 डिसेंबरनंतर महायुती तुटणार?

SCROLL FOR NEXT