Chhatrapati Sambhaji Nagar Accident News : छत्रपती संभाजीनगरमध्ये एसटी बस आणि गॅस सिलेंडरची वाहतूक करणाऱ्या टेम्पोचा भीषण अपघात झाला आहे. या अपघातात टेम्पोचा ड्रायव्हर जागीच ठार झाला आहे. इतर जखमींना उपजिल्हा रुग्णालय सिल्लोड येथे रुग्णवाहिकेच्या माध्यमातून हलवले जात आहे.

मिळालेल्या माहितीनुसार अपघातग्रस्त बसमधून 35 ते 40 प्रवासी प्रवास करत होते. अपघातानंतर सर्व जखमींना उपजिल्हा रुग्णालय सिल्लोड येथे उपचारासाठी दाखल करण्यात आले आहे. तर गंभीर जखमी असलेल्यांना छत्रपती संभाजीनगर (Chhatrapati Sambhaji Nagar) येथे पुढील उपचारासाठी हलवण्यात येत आहे. (Accident News)

गॅस वाहतूक करणारा टेम्पो भराडीकडून सिल्लोडला येत होता तर सिल्लोड-पाचोरा ही बस सिल्लोडकडून पाचोराकडे जात होती. दरम्यान वांगी फाट्याजवळ या दोन्ही वाहनांची समोरासमोर धडक झाली. या भीषण अपघातात. तिघांचा मृत्यू झाल्याचा अंदाज आहे, तर गॅस वाहतूक करणाऱ्या टेम्पोचा ड्रायव्हर जागीच ठार झाल्याची माहिती मिळाली आहे.