Pune Banglore National Highway : सातारा शहरानजीक असणाऱ्या पुणे बेंगलोर राष्ट्रीय महामार्गावर रात्री उशिरा बॉम्बे रेस्टॉरंट चौकाच्या पुलावर सांगलीहून (Sangli) पुण्याकडे (pune) निघालेल्या ट्रक चालकाचा अचानक ताबा सुटला. यामुळे ट्रक मधोमध असणाऱ्या दुभाजकाला धडकला. त्यामुळे ट्रक दुभाजकात अडकून राहिला. (Satara Accident Latest News)

दरम्यान यावेळी पाठीमागून येणाऱ्या दुसऱ्या चालकाला स्वतःचा ट्रक नियंत्रणात न करता आल्याने त्याच्या ट्रकची अपघातग्रस्त ट्रकला जोरदार धडक बसली. यामध्ये पाठीमागील ट्रक मधील चालक हा केबिनमध्ये अडकला.

या घटनेची माहिती सातारा पाेलिसांना समजताच त्यांनी क्रेन मागवली. त्यानंतर सातारा पोलिसांनी क्रेनच्या मदतीने केबिनमध्ये अडकलेल्या ट्रक चालकाला तब्बल तासाभरानंतर सुरक्षित बाहेर काढले. यावेळी ट्रक चालकाच्या डाेळ्यात आनंदाचे अश्रु हाेते. त्याने सातारा पाेलिसांचे हात जाेडून आभार मानले. दोन्ही अपघातग्रस्त ट्रक चालक हे जखमी झाले असून त्यांना सातारा शासकीय रुग्णालयात उपचारासाठी दाखल करण्यात आले आहे.

Edited By : Siddharth Latkar