- बालाजी सुरवसे / नवनीत तापडिया

Dharashiv Police News : गुटखा , तंबाखू विक्री करू देण्यासाठी एका व्यक्तीकडुन 12 हजारांची लाच घेणाऱ्या धाराशिव शहर पोलिस ठाण्यातील पोलीस हवालदारास लाचलुचपत प्रतिबंधक विभागाच्या पथकाने रंगेहाथ पकडले आहे. अन्य एका घटनेत छत्रपती संभाजीनगर येथे घाटी रुग्णालयातील बांधकाम विभागाच्या कनिष्ठ लिपिकाला पाच हजार रुपये घेतल्याप्रकरणी एसीबीने पकडले. (Maharashtra News)

गुटखा तंबाखु विक्रीचा व्यवसाय चालु करण्यास व पुन्हा कारवाई न करण्यासाठी धाराशिव शहर पोलिस ठाण्यातील हवालदार महादेव शिंदे यांनी एक व्यक्तीला 15 हजार रुपये लाचेची मागणी केली होती. माञ तक्रारदाराने लाच देणे मान्य नसल्याने त्यांनी लाचलुचपत प्रतिबंधक विभागाकडे तक्रार केली.

दरम्यान लाचलुचपत प्रतिबंधक विभागाच्या पथकाने (acb) सापळा रचुन 12 हजार रुपयांची लाच घेताना हवालदार शिंदे यांना रंगेहाथ पकडुन ताब्यात घेतले. या कारवाईमुळे पाेलिस दलात एकच खळबळ उडाली आहे.

'घाटी' त एसीबीची कारवाई

निविदा दाखल करण्यासाठी लागणारे अनुभव प्रमाणपत्र दिल्याचे बक्षीस म्हणून एका सेवाभावी संस्थेकडून पाच हजार रुपयाची लाच घेणाऱ्या (chhatrapati sambhaji nagar) घाटी रुग्णालयातील बांधकाम विभागाच्या कनिष्ठ लिपिकाला अटक करण्यात आली आहे.

लाचलुचपत प्रतिबंधक विभागाच्या पथकाने सोमवारी घाटी परिसरात ही कारवाई केली. रघुनाथ तुकाराम केदारे असे लाचखोर लिपिकाचे नाव आहे. केदारेच्या बाबत 42 वर्षे महिलेने एसीबीकडे तक्रार दिली होती. त्या तक्रारीवरून एसीबीकडून कारवाई करण्यात आली. बेगमपुरा पोलीस ठाण्यात या प्रकरणी गुन्हा दाखल करण्यात आला आहे.

Edited By Siddharth Latkar