लोणावळा - मावळ(Maval) तालुका पुन्हा एकदा धक्कादायक घटनेनं हादरला आहे. नेपाळ (Nepal) येथून पोटाची खडगी भरण्यासाठी लोणावळ्यात आलेल्या कुटुंबातील एका तेरा वर्षीय अल्पवयीन मुलीवर तिच्या नातेवाईकाने दारू पाजून अत्याचार केल्याचा संतापजनक प्रकार उघडकीस आला आहे. याप्रकरणी लोणावळा ग्रामीण पोलिसांनी (Police) तात्काळ या गुन्ह्यातील आरोपीला अटक केलं आहे. (Maval Crime News)

पोलिसांनी दिलेल्या माहिती वरून मंगळवारी रात्री नऊ वाजण्याच्या सुमारास लोणावळा शहराजवळ असलेल्या वरसोली, गावात वरील संतापजनक प्रकार घडला आहे. याप्रकरणी पीडित मुलीच्या वडिलांनी लोणावळा पोलिसात फिर्याद दिली आहे. शंकर बहाद्दूर थापा असे या नराधमाचे नाव आहे.

आरोपी शंकर याने पीडित मुलगी आणि तिचा सात वर्षीय भाऊ यांना भाजीपाला खरेदी करण्यासाठी म्हणून घरातून बाहेर नेले. त्यानंतर त्यांना एका पडीक जमिनीवर घेऊन जाऊन पीडित मुलीला त्याठिकाणी दारू पाजून तिच्यावर शारीरिक अत्याचार केले. (Latest Marathi News)

याप्रकरणी लोणावळा ग्रामीण पोलिसांनी संबंधित नराधमाला अटक केली असून, न्यायालयाने त्याला पाच दिवसांची पोलीस कोठडी सुनावली आहे. सदर नराधम हा मूळचा नेपाळमधील अझाम येथील असून, तो सध्या लोणावळ्या जवळील वरसोली येथे वास्तव्यास आहे. या प्रकरणाचा पुढील तपास लोणावळा शहर पोलीस उपनिरीक्षक सुरेखा शिंदे या करत आहेत.

Edited By - Shivnai Tichkule