पंढरपूर : घरातील कर्ता विशेषत: तरुण मूलगा गेल्यानंतर त्या कुटुंबाला आधार देण्याची गरज असते. त्या कुटुंबाला काय हवं काय नकाे हे पाहण्याची गरज असते. स्वप्नील उमद्या वयात गेल्याने त्याच्या कुटुंबास मदत करणे हे युवा पिढींच कर्तव्य आहे. ते बजावत असल्याचे धाराशिव साखर कारखान्याचे चेअरमन व पंढरपूरचे युवा नेते अभिजीत पाटील यांनी नमूद केले.

एमपीएससी MPSC मध्ये अव्वल आलेल्या स्वप्नील लोणकर swapnil lonkar याने नोकरी मिळत नसल्याने नुकतीच आत्महत्या केली. यामुळे लोणकर कुटुंबास मोठा धक्का बसला. स्वप्नील हा लाेणकर कुटुंबाचा आधार हाेता. ताे गेल्याने स्वप्नीलचे कुटुंबीय व्यथित झाले. अनेकांनी लाेणकर कुटुंबियांना धीर देण्याचा प्रयत्न केला.

या कुटुंबास आपली मदत व्हावी या हेतुने पंढरपूर येथील उद्योजक अभिजीत पाटील यांनी लोणकर कुटुंबीयांची भेट घेऊन एक लाख रूपयांची मदत दिली‌ abhijeet patil donates one lakh ruppees to swapnil lonkar family ही मदत नसून आमचे कर्तव्य असल्याचे पाटील यांनी नमूद केले.

लोणकर‌ कुटुंबातील एकूलता एक तरूण मुलगा गेल्याने कुटुंबीयांवर दु:खाचा डोंगर कोसळला आहे. त्यामुळे त्यांच्या कुटुंबाला आधार देण्याची गरज आहे. फुल ना फुलाची पाकळी म्हणून सामाजिक बांधिलकीच्या नात्याने दानशूर व्यक्तींनी लोणकर कुटुंबाला मदत करावी असे आवाहन पाटील यांनी केले आहे.

Edited by : Siddharth Latkar