Abhijeet Bichukale : कसबा विधानसभा पोटनिवडणुकीचा निकाल लागला आहे.(Kasba Peth Bypoll Election Result) या निवडणुकीत मविआच्या रवींद्र धंगेकर (ravindra dhangekar) यांनी बाजी मारली तर भाजपच्या हेमंत रासने यांचा पराभव झाला आहे. त्यामुळे भाजपचा बालेकिल्ला ढासळला आहे. या निवडणुकीत बिग बाॅस फेम अभिजीत बिचुकलेंचा देखील पराभव झाला आहे.

दरम्यान या निवडणुकीत पराभव झाला असला तरी लोकांच्या प्रश्नांसाठी मी लढत राहणार. जय-पराजय या गाेष्टी होत राहतात असे अपक्ष उमेदवार बिग बाॅस फेम अभिजीत बिचुकले यांनी (Abhijeet Bichukale Latest News) साम टीव्हीशी बाेलताना नमूद केेले.

सव्वा लाखांनी उदयनराजेंचा पराभव...

अभिजीत बिचुकले म्हणाले आज पराभव झाला असला तरी जनतेच्या मनात एक ना एक दिवस अढळ स्थान निर्माण करीन. साता-यात उदयनराजे भाेसले (udayanraje bhosale) यांचा सव्वा लाखांनी पराभव झाला हाेता. म्हणून त्यांनी समाजकारण साेडले नाही. मी तर स्वत:च्या मनगटाच्या बळावर समाजकारण करीत आहे.

शरद पवार देशाचे नेते म्हणवतात...

फक्त चार खासदार असलेले शरद पवार (sharad pawar) हे देशाचे नेते म्हणवतात. आत्ता मी हरलाे असलाे तरी उद्याचा शंभर टक्के नेता असल्याचे आत्मविश्वासने बिचुकलेंनी नंमूद केले.

दरम्यान या निवडणुकीत पैसा, मद्य याचा वापर झाल्याचा दावा बिचुकलेंनी केला. ते म्हणाले लाेकांना काय वाटतं त्यांनी ते केलं. लाेकांना दारु, मटण, पैसा हेच हवं असेल तर ते माझ्याकडे येणार नाहीत असेही बिचुकलेंनी म्हटलं. (Maharashtra News)

Edited By : Siddharth Latkar