गोंदिया : 31 डिसेंबरच्या रात्री नववर्षाच्या (New Year Party) आगमनाची पार्टी साजरी करणे एका 28 वर्षीय युवकाच्या जीवावर बेतलं आहे. पार्टी दरम्यान दंगा मस्ती करण्यासाठी नदी पात्रामध्ये उतरलेल्या युवकाच्या बुडून मृत्यु झाल्याची घटना गोंदिया जिल्ह्याच्या अर्जुनी-मोरगाव तालुक्यातील गाढवी नदी पात्रात घडली आहे. राहुल पंढरी काळसर्पे वय 28 वर्षे राहणार महागाव असे मृतक युवकाचे नाव आहे.

महागाव येथील राहुल काळसर्पे हा आपल्या मोठ्या भाऊससह काही मित्रांसोबत केशोरी येथुन जवळच असलेल्या खोळदा येथे नववर्षाच्या पुर्वसंध्येला पार्टी (Party) करण्यासाठी गेले होते. जेवन बनवुन राहुल मित्रासोबत मौज मस्ती करण्यासाठी गाढवी नदीच्या पात्रात उतरुन खोल असलेल्या डोहात गेला. मात्र पाण्याचा अंदाज न आल्याने राहुल बुडु लागला. तो पाण्यात दिसेनासा झाल्याने त्याच्या मोठ्या भावाने गावातील लोकांच्या मदतीने शोधकार्य सूरु केले असता रात्री उशिरा त्याचा मृतदेह सापडला.

हे देखील पहा -

सदर घटनेची माहिती मिळताच अर्जुनी-मोरगाव आणि केशोरी पोलीस घटनास्थळी दाखल होत,मृताचे शव शवविच्छेदनाकरिता हलविले असुन सदर घटनेची नोंद केशोरी पोलीस स्टेशन (Keshori Police Station) येथे दाखल करण्यात आली आहे. नववर्षाच्या पूर्व संध्येला एका युवकाच्या करुण मृत्यु झाल्याने महागावात शोककळा पसरली आहे.

Edited By - Jagdish Patil