Chhatrapati Sambhajinagar News

छत्रपती संभाजीनगर शहरातील वाळूज परिसरातून एक धक्कादायक घटना उघडकीस आली आहे. पोलीस भरतीची तयारी करणाऱ्या १८ वर्षीय तरुणाने अकॅडमीच्या हॉस्टेलमध्येच गळफास घेत आपली जीवनयात्रा संपवली आहे. श्रीकांत दशरथ वाघ असं मृत तरुणाचं नाव आहे. या घटनेनं परिसरात एकच खळबळ उडाली आहे.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मिळालेल्या माहितीनुसार, मृत श्रीकांत हा छत्रपती संभाजीनगर (Chhatrapati Sambhajinagar) जिल्ह्यातील निपाणी आडगाव गावातील रहिवासी होता. पोलीस भरतीची तयारी करण्यासाठी वाळूज एमआयडीसी मधील गरुडझेप करियर अकॅडमीच्या हॉस्टेलमध्ये ११ महिन्यापासून राहत होता.

गुरुवारी रात्री ८:३० वाजेच्या सुमारास त्याने हॉस्टेलच्या बाथरूममध्ये जाऊन लोखंडी अँगलला कमरेचा बेल्ट बांधून स्वतःला गळफास लाऊन घेतला. श्रीकांतने इतकं टोकाचं पाऊल का उचललं? याचे कारण अद्यापही गुलदस्त्यात आहे. या घटनेची नोंद वाळूज एमआयडीसी पोलीस ठाण्यात करण्यात आली आहे.