सचिन कदम, प्रतिनिधी...

Mumbai - Goa Highway Accident: आजचा दिवस (२७, एप्रिल) राज्यभरात घडलेल्या भीषण अपघातांच्या बातम्या समोर आल्या आहेत. सकाळीच मुंबई पुणे एक्सप्रे वर ११ गाड्यांचा भीषण अपघात झाल्याची घटना समोर आली होती. त्यानंतर मुंबई गोवा महामार्गावर एक अपघात झाला असून ज्यामध्ये एका महिलेचा दुर्देवी मृत्यू झाला आहे. या घटनेने परिसरात हळहळ व्यक्त केली जात आहे. (Latest Marathi News)

याबाबत अधिक माहिती अशी की, मुंबई गोवा महामार्गावर (Mumbai Goa Highway) माणगावमध्ये रिक्षा आणि ट्रकमध्ये भीषण अपघात झाल्याची घटना समोर आली आहे. ज्यामध्ये एका महिलेचा जागीच मृत्यू झाला असून दोन जण जखमी झाले आहेत. समोर आलेल्या माहितीनुसार, ही रिक्षा माणगाव एसटी स्टॅंन्डमधून रेल्वे स्टेशनला प्रवासी घेवून जात होती. यावेळी समोरुन येणाऱ्या ट्रकने रिक्षेला धडक दिल्याने हा अपघात झाला. या दुर्देवी घटनेने परिसरात हळहळ व्यक्त केली जात आहे.

दरम्यान, आज मुंबई पुणे एक्सप्रेस वेवर अशाच भीषण अपघाताची घटना समोर आली आहे.  मुंबई-पुणे (Mumbai- Pune) एक्सप्रेस वेवर ११ वाहने एकमेकांवर आदळून भीषण अपघात झाल्याचे सांगण्यात येत आहे. या विचित्र अपघातात सुदैवाने कोणतीही जिवीतहानी झाली नसून चार जण किरकोळ जखमी झाली आहेत. मात्र यामध्ये वाहनांचे मोठे नुकसान झाले आहे. (Accident News)