बीड- सोलापूर महामार्गावरील (Solapur Highway) मांजरसुंबा घाटातील महामार्गालगतच, एका 26 वर्षीय नर्सचा गळफास घेतलेल्या अवस्थेत मृतदेह आढळल्याने खळबळ उडाली आहे. ही घटना काही वेळापूर्वी उघडकीस आली आहे.सोनाली अंकुश जाधव वय 26 रा.शिवाजी नगर,बीड असे त्या तरुणीचे नाव आहे.

मयत सोनाली जाधव (Sonali Jadhav) ही बीड शहरातील दीप हॉस्पिटलमध्ये, शिकाऊ नर्स म्हणून काम करत होती. तिचा मृतदेह काही वेळापूर्वी, मांजरसुंबा घाटात 24 तास वाहणाऱ्या महामार्गलगत असणाऱ्या झाडाला, गळफास घेतलेल्या अवस्थेत आढळून आला आहे.

तर घटनास्थळी एम.एच.20 ई.बी.2504 या क्रमांकाची स्कुटी आढळून आली आहे. तर घटनेची माहिती समजताच नेकनूर पोलीस घटनास्थळी दाखल झाले असून पंचनामा सुरू आहे. दरम्यान या तरुणीने आत्महत्या केली की हत्या ? याचा नेकनूर पोलीस तपास करत आहेत.

Edited By: Pravin Dhamale