जालना: विद्यापीठ सुधारणा कायदा विधेयक महाराष्ट्र राज्य सरकारने मागे घ्यावे या मागणीसाठी जालन्यात भाजपा युवा मोर्च्याच्या (Bharatiya Janta Yuva Morcha) प्रा. सुजित जोगस यांच्या नेतृत्वाखाली आंदोलन करण्यात आले होते. राज्याचे आरोग्य मंत्री तथा जिल्ह्याचे पालकमंत्री राजेश टोपे (Rajesh Tope) यांच्या भाग्यनगर येथील निवासस्थानासमोर कलर स्प्रे पेंटींग करून विद्यापीठ कायदा सुधारणा विधेयक महाराष्ट्र राज्य सरकारने मागे घ्यावे या मागणीसाठी आंदोलन करण्यात आले होते. (A case has been registered against BJYM activists who protested outside Rajesh Topes house)

हे देखील पहा -

जिल्ह्यात लावण्यात आलेल्या जमावबंदीचा आदेश जुगारून आणि कोराेना महामारीच्या नियमांचे पालन करावे यासाठी लावण्यात आलेल्या आपत्ती व्यवस्थापन कायदायचे उल्लंघन आणि आरोग्य मंत्री राजेश टोपे यांच्या विरुद्ध सोशल मीडियावर बदनामीकारक मजकूर व्हायरल केल्याप्रकरणी भाजपा युवा मोर्चाच्या (Bharatiya Janta Yuva Morcha) प्रदेश महामंत्री राहूल लोणीकर, सुजित जोगस यांच्यासह 13 कार्यकर्त्यांविरुद्ध जालना पोलिस ठाण्यात गुन्हा (Crime) दाखल करण्यात आला असून या प्रकरणी अधिक तपास पोलिस करत आहेत.

Edited By - Akshay Baisane