जालना : जालना (Jalna) येथे एका 60 वर्षीय महिलेचा तीक्ष्ण हत्याऱ्याने खुन केल्याची धक्कादायक घटना घडली आहे, तर त्याच महिलेच्या घरातील नोकर देखील बेशुद्ध अवस्थेत घरामध्ये सापडला आहे.
हे देखील पहा -
जालन्यातील हॉटेल अंबर समोरील उच्चभ्रू वस्तीमध्ये ही धक्कादायक घटना घडली असून संगीता आलोक पोहोटी वय 60 असं खून झालेल्या महिलेचे नाव आहे. तर यांच्याच घरातील नोकर सुद्धा ही घरात विष पिलेल्या अवस्थेत आढळून आला आहे. दरम्यान नोकर आढळलेली खोली आतून बंद केलेली होती. नोकराला पोलिसांनी ताब्यात घेतलं असून नोकरावरती रुग्णालयात उपचार सुरू आहेत. मालक आणि नोकरामध्ये वाद असल्याने नोकराने मनात राग धरून मालकिणीचा खून. केल्याचा संशय पोलिसांना असून खून केल्यानंतर नोकराने विष प्राशन करून स्वतःला घरात कोंडून घेतल्याची प्राथमिक माहिती समोर येत आहे.
40 वर्ष जुना घरात काम करणाऱ्या नोकराने खून केल्याचा पोलिसांचा प्राथमिक अंदाज असून भीमा अस संशयित नोकराच नाव असून या घटनेचा अधिक तपास पोलिस करत आहेत.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.