Sonpeth News : सोनपेठ तालुक्यातील मौजे खपाट पिंपरी येथे तेरवीच्या जेवणाचा कार्यक्रमात 45 जणांना विषबाधा झाली. या घटनेनंतर दाेन जण गंभीर झाल्याची माहिती समाेर आली आहे. दरम्यान काही जणांना किरकोळ आजार राहिल्याने त्या रुग्णांना औषधोपचार देऊन रुग्णालयातून घरी पाठविण्यात आले. (Maharashtra News)

खपाट पिंपरी येथे एका कुटुंबात शनिवार रोजी तेरवीचा कार्यक्रम होता. या कार्यक्रमात शंभर ते दीडशे लोकांनी जेवण केले. त्यानंतर जेवण केलेल्या लोकांपैकी काही जणांना रविवारी मळमळ, उलटी, चक्कर व जुलाबाचा त्रास झाला.

त्यापैकी 40 ते 45 व्यक्तींना ग्रामीण रुग्णालय येथे उपचारासाठी दाखल करण्यात आले. यामध्ये 20 लोकांना किरकोळ उपचार देण्यात आला व 22 नागरिकांना येथील ग्रामीण रुग्णालयात (hospital) उपचारासाठी दाखल करण्यात आले.

यामधील गंभीर आजारी असलेल्या दाेघांना पुढील उपचारासाठी अंबाजोगाई येथे पाठविण्यात आले. वेळेचे गांभीर्य ओळखून तात्काळ तालुका आरोग्य अधिकारी व वैद्यकीय अधीक्षक यांनी निर्णय घेऊन खपाट पिंपरी येथे आरोग्य कर्मचारी यांचे पथक रवाना करत गावातील घरोघरी भेट देऊन सर्वेक्षण करण्यात आले.

यामध्ये चार रुग्णांना ग्रामीण रुग्णालय येथे दाखल करण्यात आले. काही जणांना किरकोळ आजार राहिल्याने त्या रुग्णांना औषधोपचार देण्यात आले.

Edited By : Siddharth Latkar