Jalna Breaking News : जालना - अंबड महामार्गावर (jalna ambad highway) राज्य परिवहन महामंडळाची (msrtc) गेवराई (gevrai) आगाराची यात्रा स्पेशल बस उलटून (msrtc bus accident) सुमारे 30 प्रवासी जखमी झाले आहेत. सध्या जखमींवर जिल्हा रुग्णालयात उपचार सुरू आहेत. (Breaking Marathi News)

जालन्याहुन बीडकडे जाणाऱ्या महामंडळाच्या गेवराई आगाराच्या यात्रा स्पेशल बसला गोलापांगरी टोलनाक्या अंबडकडून येणाऱ्या जड वाहनाने हुलकावणी दिल्यामुळे चालकाचे बसवरील नियंत्रण सुटले. यामुळे बस रस्त्याच्या बाजूला असलेल्या खोल खड्ड्यांमध्ये जाऊन उलटल्याची घटना घडली.

या बसमध्ये सुमारे 50 प्रवासी हाेती. या अपघातात (jalna accident) 30 प्रवाशी जखमी झाले आहेत. यावेळी परिसरातील नागरिकांनी घटनास्थळी धाव घेतली. नागरिकांनी बस मधील प्रवाशांना बाहेर काढून त्यांना उपचारासाठी जालन्यातील जिल्हा शासकीय रुग्णालयात पाठविले.

या अपघाताची माहिती मिळताच घटनास्थळी पोलीस आणि जालना आगाराचे कर्मचारी दाखल झाले. सध्या पाेलिस पंचनामा करीत आहेत. तसेच 30 जखमींवर जिल्हा रुग्णालयात उपचार सुरू आहेत.

Edited By : Siddharth Latkar