कोल्हापूर : सध्याच्या काळात आपण अनेक धक्कादायक बातम्या ऐकत असतो. जिव्हाळ्याची नाती देखील आता एकमेकाचा जीव घ्यायला देखील मागे पुढे पाहत नाहीत अशीच एक अत्यंत धक्कादायक आणि दुर्दैवी घटना कोल्हापुरच्या (Kolhapur) इचलकरंजी येथील सुगंधा पाटील मळ्यात घडली आहे. पोटच्या मुलीनेच आपल्या वडिलाचा खून केल्याची ही घटना आहे.

21 वर्षीय मुलीने घरगुती वादातून हा खून केल्याची प्राथमिक तपासात माहिती मिळाली आहे. तर शांतीनाथ केटकाळे अस दुर्दैवी पित्याच नाव असून साक्षी केटकाळे या त्यांच्या एकवीस वर्षीय मुलीने बॅटने मारहाण करून वडिलाचा खून केला आहे. आश्चर्याची बाब म्हणजे वडिलांचा खून करुन ही मुलगी थेट पोलिस ठाण्यात हजर झाली आहे. मात्र या घटनेमुळे इचलकरंजीमध्ये मोठी खळबळ माजली आहे.

Edited By - Jagdish Patil