Pandharpur News : आषाढी यात्रेचा (Ashadhi Wari 2023) पार्श्वभूमीवर चंद्रभागा तिरावरच्या कोळी बांधवांनी आपल्या होड्या अर्थात नौका दुरुस्तीचे काम अंतिम टप्प्यात आले आहे. यंदा देखील भाविकांसाठी सशुल्क पंढरपुरात २०० होड्या यात्रा काळात सज्ज असतील असा विश्वास हाेडी चालक संघटनेने व्यक्त केला आहे. (Maharashtra News)

आषाढी एकादशी (Ashadhi Ekadashi) निमित्त लाखाे भाविक पंढरपूरला येत असतात. भाविकांची काेणतीही गैरसाेय हाेऊ नये यासाठी पंढरपूरात प्रशासन सज्ज झाले आहे. यंदा मंदिर समितीने दर्शन रांगेसाठी गोपाळपूर रोडवरील मैदानावर दहा पत्र शेडची उभारणी केली आहे. प्रशासनाबराेबर स्थानिक व्यावसायिक देखील एकादशी निमित्त तयारी करीत आहेत. (Ashadhi Wari)

पंढरपूरात येणारे भाविक चंद्रभागा स्नाना सोबतच पुंडलिक मंदिर ते विष्णूपद तसेच नदीच्या पैलतिरावर जाण्यासाठी नौका विहाराचा आनंद घेत असतो. यासाठी पंढरपुरात २०० होड्या यात्रा काळात सज्ज असतात. सध्या या होड्यांची डागडुजी करण्याचे काम सुरू आहे.

यामध्ये होड्यांना डाबर लावणे, पत्रा ठोकणे, लाकडे व्यवस्थित आहेत का ? याची तपासणी करणे अशी कामे केली जाताहेत. जेणेकरून नदीतील कुठल्याही प्रकारचे पाणी होडीत शिरू नये. भाविकांच्या सुरक्षिततेसाठी सुरु असलेले हाेडी दुरुस्तीचे काम अंतिम टप्प्यात आले आहे असे गणेश अंकुशराव (अध्यक्ष , होडी चालक संघटना) यांनी नमूद केले.

Edited By : Siddharth Latkar