- रणजीत माजगावकर

Kolhapur News : पुणे-बंगळुर महामार्गावर घुणकी फाटा (gunkhi phata) येथे राेड राेलरला कारची धडक बसल्याने दाेघांचा मृत्यू झाला आहे तर चाैघे जण गंभीर जखमी झाले आहेत. आज (शनिवार) पहाटे साडेसहाच्या सुमारास हा अपघात झाला. या अपघाताची माहिती कळताच काेल्हापूर जिल्ह्यातील मिणचे, टाेप परिसरातील युवकांनी घुणकी फाटा येथे धाव घेतली. (Maharashtra News)

या अपघाताबाबत घटनास्थळावरुन आणि पाेलीसांकडून मिळालेली माहिती अशी - मुंबईत टाेप, मिणचे येथील काही युवक कामासाठी गेले हाेते. मुंबईहून घरी परतताना घुणकी फाट्याजवळ किणी टोल नाकाच्या दिशेने चाललेल्या रोड रोलरला त्यांच्या कारची धडक बसली. या धडकेत रोडरोलर बाजूच्या रस्त्यावर जाऊन पलटी झाला तर कारचा पुढच्या भागाचा चक्काचूर झाला.

या धडकेनंतर कारचे तोंड पुन्हा पुण्याच्या दिशेला झाले. या अपघातानंतर महामार्गावरील (Pune Bangalore National Highway Traffic Update) वाहतूक ठप्प झाली हाेती. हा अपघात घडल्यानंतर परिसरातील नागरिक मदतीस धावले. या अपघातात दाेघे युवक ठार झाले तर चाैघे गंभीर जखमी झालेत. यामध्ये रोलर चालकाचा देखील समावेश आहे.

मिणचे, टाेप गावावर शाेककळा

पाेलिसांकडून मिळालेल्या माहितीनूसार या अपघातात राहुल अशोक शिखरे(वय ३० रा.मिणचे) व सुयोग दत्तात्रय पवार (वय २८ रा.टोप) हे दाेघे जण ठार झाले आहेत. तसेच सुनील कुरणे (वय २४), वैभव चौगुले (वय २३ सर्व रा.टोप) अनिकेत जाधव (वय २२), निखिल शिखरे (वय २७) तसेच रोलर चालक दादासो दबडे (वय ४० रा वाठार) हे जखमी झाले आहेत. सर्व जखमींना रुग्णालयात दाखल करण्यात आले आहे.

Edited By : Siddharth Latkar