Latur Crime News : राज्यात महिलांवरील अत्याचारांच्या घटनेत मोठी वाढ झाली आहे. यामध्ये अल्पवयीन मुलींवर होणाऱ्या अत्याचारांचे प्रमाण सर्वाधिक आहे. एकीकडे महिला अत्याचाराविरोधात कठोरात-कठोर पाऊलं उचलण्याची मागणी केली जात असताना, दुसरीकडे लातूर शहरात एक संतापजनक घटना घडली. (Latest Marathi News)

कचरा वेचणाऱ्या 14 वर्षीय अल्पवयीन मुलीला लग्नाचं अमिष दाखवून एका नराधमाने तिच्यावर वारंवार बलात्कार केल्याची घटना घडली. याप्रकरणी शिवाजीनगर पोलीस ठाण्यात गुन्हा नोंद करण्यात आला आहे.

आरोपीने अल्पवयीन मुलीवर लग्नाचे आमिष दाखवत लातूर बार्शी रिंग रोडवरील पोद्दार शाळेच्या समोर असलेल्या सागवानाच्या झाडीमध्ये नेऊन 13 मार्च ते 15 मार्च दरम्यान वारंवार बलात्कार केला.

यातील पीडितेच्या इच्छेविरुद्ध शारीरिक संबंध ठेवला असल्याने याप्रकरणी बाललैंगिक अत्याचार अधिनियमानुसार शिवाजीनगर पोलीस ठाण्यात गुन्हा नोंद केलेला आहे. या घटनेनं परिसरातून संताप व्यक्त केला जात आहे.