Bhandara : भंडारा जिल्ह्यातील कांद्री येथे एक सात फुट लांबीचा आणि बारा किलाे वजनाचा अजगर सापडला आहे. हा अजगर पाहून शेतक-याची (farmer) भांबेरी उडाली. त्याने सर्पमित्रांना माहिती देत मदतीची अपेक्षा व्यक्त केली हाेती. (Bhandara Latest Marathi News)

या घटनेबाबत मिळालेल्या माहितीनूसार कांद्री येथील शेतकरी अनिल सोनवणे हे आपल्या मिर्चीच्या शेतात गेले हाेते. त्यांना शेतावर एक अजगर असल्याचे दिसले. ते पाहून त्यांचा चांगलाचा थरकाप उडाला.

साेनवणेंनी त्याची माहिती सर्पमित्राला दिली. त्यानंतर सर्पमित्र राजेश पिल्लारे, चेतन चोपकर, महेश हटवार व उमेश भुरे हे घटनास्थळी पाेहचले. या सर्पमित्रांनी अजगराला पकडलं. त्यानंतर वन विभागास (forest department) याची माहिती दिली. वन विभागानं अजगरास त्याच्या नैसर्गिक अधिवासात सोडून दिले.

Edited By : Siddharth Latkar