पनवेलमध्ये भाजप, ठाकरे गट आणि शेकाप अशी लढत झाली. या मतदारसंघात भाजपकडून प्रशांत ठाकूर, ठाकरे गटाकडून लीना गरड आणि शेकापकडून बाळाराम पाटील रिंगणात होत्या. तर मनसेकडून योगेश चिले रिंगणात होते. सकाळ समूहाच्या एक्झिट पोलनुसार, पनवेलमध्ये प्रशांत ठाकूर संभाव्य आमदार असू शकतात.

पनवेलमध्ये भाजपकडून प्रशांत ठाकूर पुन्हा एकदा रिंगणा उतरले होते. यंदा देखील प्रशांत ठाकूर बाजी मारतील अशी शक्यता आहे. या मतदारसंघात ठाकरे गटाकडून लीना गरड रिंगणात होत्या. मात्र, त्यांचा पराभव होण्याची शक्यता आहे.

पनवेलमध्ये स्वत: उद्धव ठाकरे यांनी लीना गरड यांच्यासाठी सभा घेतली होती. सलग दोन टर्म आमदार असणाऱ्या प्रशांत ठाकूर पुन्हा बाजी मारण्याची शक्यता आहे. पनवेलमध्ये चौरंगी लढत झाली. पनवेलमध्ये रोजगार, पाणी प्रश्न, शासकीय कराचा मुद्दा गाजल्याचं पाहायला मिळालं.

महाविकास आघाडीत उभी फूट पडल्याने महायुतीला फायदा झाला. शेतकरी कामगार पक्षाचे बाळाराम पाटील यांनी उमेदवारी अर्ज दाखल केला होत्या. त्यामुळे लीना गरड या एकट्या पडल्या होत्या. त्याचा फायदा महायुतीला झाल्याची शक्यता आहे.