Nashik Madhya Assembly Election: नाशिक मध्य मतदारसंघात भाजपचं पारडं जड दिसतंय. त्यामुळे इथले संभाव्य आमदार कोण होणार आहे हे जाणून घेण्यासाठी सर्वजण उत्सुक आहेत. २० नोव्हेंबरला या मतदारसंघाचा उमेदवार जाहीर होईल. पण त्यापूर्वी सकाळचा एक्झिट पोल समोर आला आहे. सकाळच्या एक्झिट पोलनुसार, भाजपच्या देवयानी फरांदे हे नाशिक मध्य विधानसभा मतदारसंघाच्या संभाव्य उमेदवार होऊ शकतात.

देवयानी फरांदे या शिवसेना ठाकरे गटाचे उमेदवार वसंत गिते यांचा पराभव करण्याची शक्यता व्यक्त केली जात आहे. देवयानी फरांदे यांना वसंत गिते यांनी तगडं आव्हान दिलं होतं. पण मतदारांनी देवयानी फरांदे यांना कौल दिला आहे. वसंत गिते मनसेमधून ठाकरे गटामध्ये आले होते. त्यामुळे ठाकरे गटामध्ये नाराजी होती. देवयानी फरांदे यांनी सर्व आव्हान स्वीकारले होते.

नाशिक मध्य हिंदू आणि मुस्लिम बहुल असा समिश्र मतदारसंघ आहे. या मतदारसंघामध्ये दोन टर्म देवयानी फरांदे आमदार होत्या. पण या मतदारसंघामध्ये ठाकरे गटाच्या वसंत गिते यांनी तगडं आव्हान फरांदेंसमोर उभं केलं होतं. देवयानी फरांदे यांच्यावर ठाकरे गटाने अनेक आरोप केले होते.

लोकसभेत मुस्लिम मतं महाविकास आघाडीला पडली होती. पण यावेळी ती उणीव भरून काढण्यासाठी भाजप आणि हिंदुत्ववादी संघटना मैदानात उतल्या होत्या. या मतदारसंघात मतदानाची टक्केवारी देखील यावेळी वाढली आहे. लाडक्या बहिणीचा इफेक्ट इथे पाहायला मिळत आहे. हिंदुंची मतं वाढली आहेत. याचा फायदा महायुतीला आणि देवयानी फरांदेला होईल. त्यामुळे देवयानी आमदार होण्याची शक्यता व्यक्त केली जात आहे.