Maharashtra Assembly Elections 2024 : विधानसभेची रणधुमाळी सुरु असतानाच राज ठाकरे आणि एकनाथ शिंदे यांच्यामध्ये भेट होत आहे. या भेटीमुळे पुन्हा एकदा राजकीय चर्चेला उधाण आले आहे. माहीममध्ये राज ठाकरेंचे पुत्र अमित ठाकरे मैदानात आहेत. माहीममध्ये शिंदे राज ठाकरेंना पाठिंबा देणार असल्याचे बोलले जात आहे. त्यामुळे या भेटीकडे सर्वांच्या नजरा लागल्या लागल्या आहेत. (Raj Thackeray Meet CM Eknath Shinde)

मनसे अध्यक्ष राज ठाकरे आज मुख्यमंत्री एकनाथ शिंदे यांची भेट घेणार असल्याची माहिती सूत्रांनी दिली आहे.

माहीम, वरळी आणि शिवडी विधानसभा मतदारसंघ संदर्भात चर्चा होण्याची शक्यता वर्तवण्यात येत आहे. शिवसेना शिंदे गटाने मनसेला या मतदारसंघात पाठिंबा द्यावा अशी मनसेच्या काही नेत्यांनी मागणी केली आहे. लोकसभा निवडणुकीत मनसेने महायुतीला बिनशर्त पाठिंबा दिला होता मात्र आता महायुती मनसेला मदत करणार का? याकडे सर्वांचे लक्ष लागले आहे.