Maharshtra politics : विधानसभा निवडणुकीसाठी सर्वच पक्षांनी कंबर कसली आहे. दोन महिन्यात विधानसभा निवडणुका होणार आहेत, त्याआधीच राष्ट्रवादी काँग्रेस (शरद पवार) पक्षाचे जयंत पाटील यांनी किती जागा जिंकणार, याचा आकडाच सांगितलाय. सोलापूरमधील मोहोळ येथील सभेत बोलताना जयंत पाटील यांनी आगामाी विधानसभा निवडणुकीत राष्ट्रवादी काँग्रेस ५४ पेक्षा जास्त जागा जिंकेल, असा विश्वास व्यक्त केला आहे.

लोकसभेच्या निवडणुकीत आपण अभूतपूर्व यश महाविकास आघाडीला दिलं आहे. प्रणिती शिंदे यांना मोहोळ मतदारसंघाने लीड दिल त्याबद्दल जयंत पाटील यांनी आभार व्यक्त केले. लोकसभा निवडणुकीत महाराष्ट्राच्या लोकांनी चमत्कार घडवत महाविकास आघाडीला 48 पैकी 31 जागा जिंकून दिल्या. संपूर्ण सोलापूर जिल्ह्यात पवार साहेबांचा प्रभाव आहे. जेव्हा संकट आले तेव्हा पवार साहेब सोलापुरात आले आहेत, असे जयंत पाटील म्हणाले.

5 वर्षांपूर्वी ही आम्ही शिवस्वराज्य यात्रा काढली होती, त्यामुळे राज्यात 54 आमदार आपले निवडून आले होते. उद्याच्या (विधानसभा) निवडणुकीत 54 पेक्षा जास्त जगावर राष्ट्रवादी काँग्रेस निवडून येतील. महाविकास आघाडीने आपल्या अडीच वर्षात चांगलं काम करण्याचा प्रयत्न केला. दोन मराठी माणसाने निर्माण केलेले दोन पक्ष भाजपाने फोडले. पवार साहेब यांना सोडून गेलेल्या नेत्यासोबत राज्यातील जनता गेली नाही

सध्या महाराष्ट्रात मोठमोठे कार्यक्रम पाहायला मिळत आहेत. सत्ताधारी लोकांनी तिजोरीच दार काढून ठेवले आहे. रवी राणा म्हणतात माला मत नाही दिल तर खात्यात येणारे पैसे काढून घेतो. एवढी मागरुरी महाराष्ट्रातील आत्तापर्यंत कोणत्याचं नेत्याकडे नव्हती, असा टोला राणा यांना लगावला.