महाराष्ट्रात संपूर्ण राज्याचं लक्ष २३ नोव्हेंबर विधानसभा निवडणुकीच्या निकालाकडे लागलं आहे. बुधवारी राज्यात विधानसभेच्या निवडणुकीचं मतदान पार पडलं. यानुसार आता कोणाची सत्ता येते हे पाहणं महत्वाचं असणार आहे. सकाळ एक्झिट पोलनुसार, भिवंडी पश्चिम मतदारसंघात भाजपची सत्ता येण्याची शक्यता दिसत आहे.

भिवंडी पश्चिम मतदारसंघामध्ये भाजप विरूद्ध काँग्रेस चुरशीची लढत झाली. या मतदारसंघात भाजपचं पारडं जड असल्याचं चित्र दिसत आहे. भाजपचे महेश चौघुले हे संभाव्य आमदार आहेत. भाजपचे महेश चौघुले यांच्याविरोधात काँग्रेस दयानंद चोरघे हे निवडणुकीच्या रिंगणात होते.

भिवंडी पश्चिम मतदारसंघात दोन वेळेस महेश चौघुले हे आमदार झाले आहेत. भाजपने पु्न्हा तिसऱ्यांदा त्यांना निवडणुकीच्या रिंगणात उतरवले होते. मात्र या मतदारसंघात यानंतर काहीसं चित्र वेगळं दिसत होतं. यंदाच्या विधानसभा निवडणुकीत सहा उमेदवार उभे होते.