भरत मोहोळकर, साम प्रतिनिधी
राज्यातील लक्षवेधी लढतींपैकी एक असलेल्या चंद्रपूर जिल्ह्यातील बल्लारपूरमध्ये भाजपने माजी मंत्री सुधीर मुनगंटीवारांना सातव्यांदा निवडणुकीच्या रिंगणात उतरवलंय.. तर काँग्रेसने संतोष सिंह रावतांना संधी दिलीय..त्यामुळे काँग्रेसच्या अभिलाषा गावतुरेंनी बंडांचं निशाण फडकवलंय..मात्र काँग्रेसचे उमेदवार संतोष सिंह रावतांनी बल्लारपूरमध्ये परिवर्तनाची गरज असल्याचं वक्तव्य केलंय. तर मुनगंटीवारांनी कामांची यादीच सांगत विजयाचा विश्वास व्यक्त केलाय.
1995 मध्ये चंद्रपूरमधून रेकॉर्ड ब्रेक मतांनी विजयी झालेल्या मुनगंटीवारांना सलग 6 निवडणुकीत विजय मिळाला. त्यांनी वनमंत्रिपदासह महत्वाची मंत्रिपदं साभांळली आहेत. मात्र लोकसभा निवडणूकीत चंद्रपूर लोकसभा मतदारसंघातून प्रतिभा धारोनरकरांनी मुनगंटीवारांचा पराभव केला. त्यामुळे विधानसभेबाबत उत्सुकता ताणली गेलीय. 2019 च्या विधानसभेतील मतांचं समीकरण नेमकं कसं होतं? पाहूयात.
सुधीर मुनगंटीवार, भाजप, 86 हजार 2 मतं
डॉ. विश्वास जाडे, काँग्रेस, 52 हजार 762 मतं
राजू झोडे, वंचित, 39 हजार 958 मतं
33 हजार 240 मतांनी मुनगंटीवारांचा विजय
2009 मध्ये पुनर्रचना झालेल्या बल्लारपूरचं जातीय समीकरण कसं आहे? पाहूयात.
माळी - 45 हजार
तेली - 40 हजार
एससी- 45 हजार
एसटी - 40 हजार
कुणबी (खैरे) - 32 हजार
कुणबी (धानोजे) - 18 हजार
मुस्लीम - 18 हजार
लोकसभा निवडणुकीत मुनगंटीवारांचा पराभव झाल्याने काँग्रेसने चंद्रपूर जिल्हा सहकारी बँकेचे अध्यक्ष संतोष सिंह रावतांना उमेदवारी दिलीय. रावत हे वडेट्टीवारांच्या गटातील असल्याने धानोरकर गटाच्या गावतुरेंनी बंडखोरी केलीय. त्यामुळे काँग्रेसच्या मतांची फूट मुनगंटीवारांना विजयापर्यंत पोहचवणार की लोकसभेनंतर मुनगंटीवारांची पराभवाची मालिका सुरुच राहणार? याकडे लक्ष लागलंय
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.