Amol Mitkari News in Marathi महायुतीचे जागावाटप जवळपास पूर्ण झालेय. महायुतीमध्ये सर्वाधिक जागा भाजप लढत आहे. तर दुसऱ्या क्रमांकाच्या जागा शिंदेंच्या शिवसेनाला मिळतील. अजित पवार यांच्या राष्ट्रवादी काँग्रेसने आतापर्यंत ४९ जागांवर उमेदवार दिलेत. पण महायुतीच्या जागावाटपात तीन जिल्ह्यात अजित पवारांना एकही जागा मिळाली नाही. हीच खदखद अमोल मिटकरी यांनी ट्वीट करत बोलून दाखवली.

पश्चिम विदर्भात अकोला, वाशिम , बुलडाणा जिल्ह्यात एकाही ठिकाणी राष्ट्रवादी काँग्रेस पक्षाचा उमेदवार नसणे हे आगामी काळात स्थानिक स्वराज्य संस्था निवडणुकी वेळी निश्चित आमच्याकरिता चिंताजनक बाब राहील. तिन्ही जिल्ह्यात घड्याळ चिन्हच नाही याचा खेद वाटतो, असे ट्वीट अमोल मिटकरी यांनी केलेय.

अमोल मिटकरी यांच्या ट्वीटनंतर महायुतीमधील अंतर्गत खदखद पुन्हा एकदा समोर आली आहे. अकोला, वाशिम आणि बुलढाणा या जिल्ह्यात अजित पवारांच्या राष्ट्रवादीला एकही जागा मिळाली नाही.