- विनायक वंजारे / अमाेल कलये

शिवसेना नेते किरण सामंत यांचा आज (मंगळवार) सकाळपासून रत्नागिरी सिंधुदूर्ग लाेकसभा मतदारसंघात संपर्क हाेऊ शकला नाही. त्यांचा फाेन संपर्क क्षेत्राबाहेर लागत आहे. त्यामुळे सेना कार्यकर्त्यांमध्ये कुरबुर सुरु हाेती. दरम्यान या प्रकाराबाबत आता ठाकरे गटाचे आमदार वैभव नाईक यांनी किरण सामंत यांना पोलिस संरक्षण द्यावे अशी मागणी माध्यमांतून केली आहे तर उदयाेग मंत्री उदय सामंत यांनी बंधू किरण सामंत हे लांजा येथील दुर्गम भागात असल्याने त्यांच्याशी संपर्क हाेऊ शकत नसल्याचे स्पष्ट केले आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

सेना नेते किरण सामंत नॉट रिचेबल झाल्याच्या प्रकरणावरून ठाकरे गट आणि भाजपमध्ये कलगीतुरा रंगला आहे. किरण सामंत यांना तातडीने पोलिस संरक्षण देण्यात यावं अशी मागणी आमदार वैभव नाईक यांनी केली आहे. (Maharashtra News)

भाजपनेही या प्रकरणात उडी घेतली असून शिवसेना आणि भाजपमध्ये संभ्रम निर्माण करण्यासाठी किरण सामंत नॉट रिचेबल आहेत अशी हवा केली जात असल्याचा आरोप भाजपकडून केला गेला. किरण सामंत मतदारसंघात फिरत असून राणे मोठ्या मताधिक्याने विजयी होतील असा दावा देखील भाजपने केला.

दरम्यान किरण सामंत यांच्या नाॅटरिचेबल वर खूद्द त्यांचे बंधू उद्योग मंत्री उदय सामंत यांनी पुढाकार घेत किरण सामंत हे ग्रामीण भागामध्ये आहेत. कोकणातील काही भागात रेंज नसते. त्यामुळे त्यांचा फोन लागत नाही. आम्ही सर्व ठिकाणी आढावा घेत आहाेत. सध्या किरण सामंत हे लांजा मधील दुर्गम भागात असल्याचे उदय सामंत यांनी स्पष्ट केले.

Edited By : Siddharth Latkar