- संजय सूर्यवंशी

Nanded :

हिंगोली लोकसभा मतदारसंघात (hingoli lok sabha constituency) भाजपाचे काम चांगले आहे. या मतदारसंघात भाजपचा उमेदवार असावा अशी मतदारसंघातील अनेकांची मागणी आहे. ही मागणी आता हिंगोलीचे भाजपाचे आमदार तानाजी मुटकुळे (mla tanaji mutkule) यांनीही उपमुख्यमंत्री देवेंद्र फडणवीस यांच्याकडे करणार असल्याचे साम टीव्हीशी बाेलताना सांगितले. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

हिंगोली भाजपाचे शिष्टमंडळ उपमुख्यमंत्री देवेंद्र फडणवीस यांच्या भेटीसाठी आज (साेमवार) नांदेड विमानतळावर दाखल झाले. या शिष्टमंडळामध्ये भाजपाचे आमदार तानाजी मुटकुळे, आमदार भीमराव केराम, आमदार नामदेव ससाणे, माजी खासदार शिवाजी माने, माजी आमदार गजानन गुघे यांच्यासह भाजपाचे पदाधिकारी यांचा समावेश आहे.

हिंगोली लोकसभेसाठी शिंदे गटाचे खासदार हेमंत पाटील (mp hemant patil) यांना पुन्हा संधी दिली आहे. भाजपाने हेमंत पाटील यांच्या उमेदवारीला विरोध दर्शविला आहे. भाजपाने हिंगोली लोकसभेसाठी गत पाच वर्षात चांगली तयारी केली आहे. आम्ही लोकसभेची जागा निश्चित निवडून आणू असा विश्वास कार्यकर्त्यांना आहे.

भाजपचे काम हिंगोली लोकसभा मतदारसंघात चांगले आहे. भाजपचा उमेदवार या मतदारसंघात हवा अशी मागणी हिंगोलीचे भाजपचे आमदार तानाजी मुटकुळे यांनी नमूद केले. त्यासाठी ते आज उपमुख्यमंत्री देवेंद्र फडणवीस यांची भेट घेणार आहेत. आमदार मुटकुळे हे उमेदवार बदलण्याची मागणी फडणवीस यांना करणार आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar