सातारा लोकसभा मतदारसंघात भाजपचे राज्यसभा खासदार उदयनराजे भाेसले यांच्या विराेधात राष्ट्रवादी काॅंग्रेस शरद पवार गटाचे विधान परिषदेचे आमदार शशिकांत शिंदे यांनी पाचव्या फेरी अखेर 21 हजार मतांची आघाडी घेतली आहे. त्यांच्या मतांची आघाडी वाढतच असून आमदार शशिकांत शिंदे यांच्या समर्थकांनी कोरेगाव येथे जल्लाेष सुरु केला. (lok sabha nivadnuk nikal 2024)

आमदार शशिकांत शिंदे यांच्या लासु-हणे येथील निवासस्थानी कार्यकर्त्यांनी फटाक्यांची आतिषबाजी करून आनंदाेत्सव साजरा केला. वाई येथे देखील शरद पवार गटाच्या कार्यकर्त्यांनी आमदार शशिकांत शिंदे यांच्या विजयाचे बॅनर लावण्यास प्रारंभ केला आहे.

आमदार शशिकांत शिंदे यांनी हजाराे मतांची आघाडी घेताच त्यांच्या निवासस्थानी समर्थकांनी फटाके वाजवले. काहींनी गुलाल उधळला. दरम्यान दहाव्या फेरी अखेर शशिकांत शिंदे 5156 मतांनी आघाडीवर आहे. शशिकांत शिंदेंच्या आघाडीत मोठी घट झाली आहे. शशिकांत शिंदे यांना 326847 मते तर उदयनराजे भोसलेंना 321691 मते मिळाली आहेत. त्यानंतर बाराव्या फेरी अखेर शशिकांत शिंदे 795 मतांनी आघाडी घेतली.

Edited By : Siddharth Latkar