अरे मामा जरा जपून, काय बोलतोय हे लक्षात ठेव, कुणासाठी बोलतोय हे लक्षात ठेव, तुला सरळ करायला वेळ लागणार नाही, असं म्हणत शरद पवार यांनी इंदापूरचे आमदार दत्तात्रय भरणे यांना भर सभेत दम भरला. आज इंदापूर शहरात सुप्रिया सुळे यांच्या प्रचारार्थ सांगता सभेत ते बोलत होते.

काही लोकांना आम्ही आमदार केलं, त्यांना मंत्री केलं. ते सांगतात की तुम्ही जर दुसऱ्यांना सहकार्य केलं तर आम्ही तुमच्या शेतीचे पाणी बंद करू, ही खूपच गमतीशीर गोष्ट आहे. शेतीचम पाणी ही बाप दादाची इस्टेट नाही. ही योग्य गोष्ट नाही, मी त्यांना एकच सांगू इच्छितो. अरे मामा जरा जपून काय बोलतोय हे लक्षात ठेव कुणासाठी बोलतोय हे लक्षात ठेव तुला सरळ करायला वेळ लागणार नाही, असं शरद पवार म्हणाले आहेत.

तिसऱ्या टप्प्यातील प्रचाराचा आज शेवटचा दिवस असल्यामुळे बारामती मतदारसंघात सभा आणि मेळाव्यांचा धडाका सुरु आहे. आज शरद पवार यांची इंदापूरमध्ये जाहीर सभा पार पडली. या सभेत बोलताना शरद पवार यांनी दत्तात्रय भरणे यांच्यावर जोरदार हल्ला चढवला.

शरद पवार काय म्हणाले?

इंदापूरमधील लोकांना, तुमच्या शेतातील पाणी बंद करू, अस सांगण्यात आलं आहे. पण शेतीचं पाणी पाणी हे कोणाच्या बापाची इस्टेट नाही. त्यांच्यासाठी काय केले नाही. लहान कुटुंबातील लोकांना मदत करणे, पाठिंबा देणे याची गरज असते. ती भूमिका मी घेतली. मात्र, आज त्यांचे पाय जमिनीवर राहिले नाही. त्यांचे पाय हवेत आहेत. कोणीही सत्तेचा गैरवापर करत दमदाटी करत असेल तर त्यांना त्यांची जागा दाखवणे हे काम मी एक ते दोन दिवसांत करू शकतो. पण आज त्या रस्त्याने जायचे नाही, अशा थेट इशारा पवारांनी या सभेत दिला.