(अक्षय गवळी, अकोला)

Maharashtra Loksabha :

महाविकास आघाडीसोबत जायचं का नाही यावर प्रकाश आंबडेकर उद्या सकाळी निर्णय देणार आहेत. वंचितच्या राज्य कार्यकारिणीच्या कोअर टीमची बैठक संपली आहे. महाविकास आघाडीसोबत जायचं की नाहीय यावर चर्चा झाली आहे. (Latest News)

यासंदर्भात वंचितचे मुख्य प्रवक्ते सिद्धार्थ मोकळे यांनी प्रसारमाध्यमांशी संवाद साधलाय. वंचितची पुन्हा एक आज रात्री १० वाजता बैठक होणार आहे. आज रात्रीची ही अंतिम बैठक असणार आहे. या बैठकीत महाविकास आघाडीसोबत जायचं की नाही यावर चर्चा होणार आहे, अशी माहिती त्यांनी दिलीय. यामुळे वंचित बहुजन आघाडी महाविकाससोबत जाणार का नाही याबाबत शंका उपस्थित केली जात आहे.

तर दुसरीकडे वंचित सोबत नसली तर महाविकास आघाडीचा फॉर्म्युला ठरल्याचं सांगितंल जात आहे. लोकसभा निवडणुकीसाठी महाविकास आघाडीने वंचित बहुजन आघाडी यांच्याशिवाय जागावाटपाचा फॉर्म्युला निश्चित केलाय. 'शिवसेनेत यादी जाहीर करण्याची परंपरा नाही. संभाव्या उमेदवारांना काम करण्याच्या सूचना दिल्या आहेत. मविआत असल्यामुळे उद्या यादी जाहीर करू, असे ठाकरे गटाचे खासदार आणि नेते संजय राऊत म्हणाले. उद्धव ठाकरे यांनी सर्व उमेदवार निश्चित केलेत. काँग्रेस आणि राष्ट्रवादीचीही तयारी झालीय. एकाही जागेवरून संघर्ष, तणाव नाही, असंही ते म्हणाले.